خان ننه هاياندا قالدين
بئله باشيوا دولاننام
نئجه من سني ايتيرديم
داسنين تايين تاپيلماز
سن اولن گون عمه گلدي
مني گوتدو آيري كنده
من اوشاق نه آنلايايديم
باشيمي قاتيب اوشاقلار
نئچه گون من اوردا قالديم
قاييديب گلنده باخديم
يئريوي ييغيشديريبلار
نه اوزون و نه يئرين وار
هاني خان ننه م؟سوروشدوم
دئليلركي خان ننه ني
آپاريبلاكربلايه
كي شفاسين اوردان آلسين
سفري اوزون سفردير
بير-ايكي ايل چكرگلينجه
نئجه آغلارام يانيقلي
نئچه گون ائله چيغيرديم
كي سسيم -سينه م توتولدو
او من اولماسام يانيندا
اوزو هيچ يئره گئده نمز
بو سفر نولوبدو من سيز
اوزو تك قويوب گئديبدير؟
هاميدان آجيق ائده ركن
هامي يا آجيقلي باخديم
سونرا باشلاديم كي من ده
گئديرم اونون دالينجا
دئديلر:سنين كي تئزدير
امامين مزاري اوسته
اوشاغي آپراماق اولماز
سن اوخو قرآني تئز چيخ
سن اونو چيخينجا بلكه
گله خان ننه سفردن
تله سيك راوانلاماقدا
اوخويوب قرآني چيخديم
كي يازيم سنه گل ايندي
داها چيخميشام قرآني
منه سووقت آل گلنده
آمما هر كاغذيازاندا
آغامين گوزو دولاردي
سن ده كي گليب چيخمادين
نئجه ايل بو انتظارلا
گونو هفته ني سايارديم
تا ياواش -ياواش گوز آچديم
آنلاديم كي سن اولوبسن
بيله بيلميه هنوز دا
اوره گيمده بير ايتيك وار
گوزوم آختارار هميشه
نه ياماندي بوايتيكلر
خانه ننه جانيم نولايدي
سني بيرده من تاپايديم
اوآياقلار اوسته بيرده
دوشه نيب بير آغلايايديم
قول حلقه سالميش ايپ تك
او آياغا باغلايايديم
كي داها گئدنميه يدين
گئجه لر ياتاندا سن ده
مني قوينووا آلاردين
نئجه باغريواباساردين
قولون اوسته گاه سالاردين
آجي دنياني آتاركن
ايكيميز شيرين ياتارديق
يوخودالولو آتاركن
سني من بلشديره رديم
گئجه لي سو قيزديراردين
اوزووي تميزله يه ردين
گينه ده مني اوپردين
هئچ منه آجيقلامازدين
ساواشان منه كيم اولسون
سن منه هاوار دورراردين
مني سن آتام دوينده
قاپيب آرادان چيخاردين
ائله ايستيليك او ايستك
داها كيسمه ده اولورمور؟
اوره گيم دئييركي يوخ يوخ
اوده رين صفالي ايستك
منيم او عزيز ليگيم تك
سنيله گئديب تو كندي
خان ننه اوزون دئيه ردين
كي سنه بهشت ده الله
وئره جك نه ايسته ييرسن
بو سوزون ياديندا قاليسن
منه قوولونو وئريبسن
ائله بيرگونوم اولورسا
بيليسن نه ايسته رم من؟
سوزومه دوروست قولاق وئر
سن ايلن اوشاقليق عهدين
خان ننه آمان نولايدي
بير اوشاقليغي تاپايديم
بيرده من سنه چاتايديم
سنيلن قوجاقلاشايديم
سنيلن بير آغلاشايديم
يئنيدن اوشاق اولوركن
قوجاغيندا بير ياتايديم
ائله بير بهشت اولورسا
داها من اوز آللا هيمدان
باشقا بير شي ايسته مزديم
لطفا نظر بدهید. ممنون
عضو شوید
عضویت سریع
آمار مطالب
آمار بازدید
